Flýtitenglar

AÞ auglýsir tímabundið ráðgjafarstarf

AÞ-logoAtvinnuþróunarfélag Þingeyinga auglýsir fullt starf ráðgjafa með ráðningartíma út ágúst 2017.  Æskilegt er að viðkomandi geti hafið störf sem fyrst.

Megin verkefnið er aðstoð við styrkingu innviða fyrirtækja á svæðinu til að gera þau hæfari í að takast á við þau tækifæri sem m.a. skapast vegna þeirrar miklu uppbyggingar sem nú stendur yfir í héraðinu.

Starfslýsing

  • Greining á þörfum og tækifærum fyrirtækja í samvinnu við eigendur og stjórnendur
  • Aðstoð við innleiðingu breytinga t.a.m. öryggis- og gæðakerfa
  • Greina tækifæri til frekari skilvirkni hjá fyrirtækjum
  • Aðstoða við önnur mál sem upp koma

Hæfniskröfur

  • Reynsla af samskonar vinnu eða önnur reynsla í fyrirtækjaumhverfi sem nýtist
  • Háskólamenntun sem nýtist í starfi, s.s. viðskiptafræði
  • Hæfni til að lesa í ársreikninga og almenn tölugleggni
  • Færni í notkun upplýsingatækni er kostur
  • Sjálfstæði í starfi og reynsla af því að leiða verkefni

Hlutverk AÞ er að kynna kosti, möguleika og tækifæri til atvinnustarfsemi á svæðinu auk þess að standa vörð um og stuðla að eflingu atvinnulífsins með stuðningi, ráðgjöf og upplýsingagjöf. Starfssvæði félagsins er frá Þingeyjarsveit í vestri til Langanesbyggðar í austri og eru konur jafnt sem karlar hvattar til að sækja um starfið.

Frekari upplýsingar veitir framkvæmdastjóri félagsins, Reinhard Reynisson í síma 464 0415 eða í gegnum tölvupóstfangið [email protected] og skila skal kynningarbréfi og ferilskrá á sama netfang fyrir 10. október nk.