Flýtitenglar

Jafningjafræðsla og tengslanet fyrir frumkvöðlakonur í W-POWER verkefninu!

Verkefnið gengur út á að leiða saman tvær eða jafnvel fleiri konur frá sitt hvoru landinu sem eru að glíma við svipaðar áskoranir í að reka sitt eigið fyrirtæki/verkefni í dreifðari byggðum. Markmiðið að skapa tengsl, læra hvor af annarri með jafningjafræðslu og heimsóknum og stækka markaði. Það er nú þegar mikill áhugi á verkefninu og komið töluvert af umsóknum. Viltu taka þátt?

 

Það er mikill áhugi á að parast saman við íslenskar frumkvöðlakonur, sérstaklega í Finnlandi. Hér eru frekari upplýsingar um verkefnið og meðfylgjandi er kynningarrit um P2P hlutann og hvað það felur í sér.

Verkefnið borgar ferðir og gistingu í tengslum við heimsóknirnar, umsóknarfrestur til 31. október!

Get ég tekið þátt?

Já ef þú ert kona sem rekur þitt eigið fyrirtæki á því svæði sem verkefnið nær yfir.

Hvað kostar að taka þátt í tengslanet verkefninu?

W-POWER verkefnið stendur straum af öllum ferða- og gistikostnaði. Þátttaka sem slík kostar því ekkert.

Hve lengi er hver heimsókn?

Jafningjaheimsókn getur tekið frá þremur til að hámarki sjö daga. Hvert jafningjateymi ákveður í sameiningu hversu lengi heimsóknin er og hvað verður gert, allt byggt á þörfum hópsins.

Hvernig sæki ég um?

Þú finnur umsókn inn á eftirfarandi svæði http://w-power.interreg-npa.eu/

Þarf ég að taka þátt í einhverjum viðburðum áður eða eftir jafningjafræðsluna?

Haft verður samband við valda þátttakendur af verkefnastjóra í viðkomandi landi og þeir boðaðir í viðtal. Með því að sækja um í verkefnið samþykkir þú líka að halda skrá yfir heimsóknirnar (hvað er gert, reynslu, þekkingu osfrv.)

Hverng finn ég jafningja í verkefninu?

Verkefnastjórar í W-POWER verkefninu munu gera það sem þeir geta til að finna jafningja þinn innan verkefnasvæðisins.

Hvar finn ég frekari upplýsingar?

T.d inn á facebook síðu verkefnisins og vefsíðunni http://w-power.interreg-npa.eu/

Hverjir og hvaða svæði taka þátt?

Nýsköpunarmiðstöð Íslands er þátttakandi í NPA verkefni sem kallast W-Power sem styður við frumkvöðlakonur í dreifðari byggðum Norðurslóða, hvetja þær til að stofna fyrirtæki eða þróa og stækka starfandi fyrirtæki. Þátttökulöndin eru ásamt Íslandi; Finnland, Svíþjóð, Írland, Skotland og Hjaltlandseyjar.

North Karelia og Lapland í Finnlandi, Norrbotten svæðið í Svíþjóð, Argyll og eyjarnar, Dumfries og  Galloway, Hjaltlandseyjar og Orkney í Skotlandi, vestursvæðið í Írlandi (Galway, Mayo, Sligo, Donegal, Leitrim) og svæði utan höfuðborgarsvæðisins á Íslandi.