Beint ß lei­arkerfi vefsins
Atvinnu■rˇunarfÚlag Ůingeyinga

24.3.2021

Nřr kafli hafinn Ý dj˙pborun vi­ Kr÷flu

Nýr kafli er að hefjast í djúpborunarverkefninu IDDP, því nú er að hefjast borun á allt að 4500 metra holu í Vítismóum við Kröflu. Þetta er fyrsta djúpborun hérlendis og eitt mest krefjandi borverkefni heims. Því er fylgst með verkefninu af áhuga víða um heim.

Í djúpborunar verkefninu er unnið að því að reyna að virkja mun hærri hita en áður þekkist. Flest þekkjum við þrjú birtingarform vatns, þ.e. fljótandi, ís og gufu. Markmiðið með djúpborun er að komast niður á fjórða birtingarformið sem er gufa í svokölluðu yfirmarks ástandi en hún er allt að 10 sinnum auðugri að orku en venjuleg jarðgufa.

Þverskurðarmynd og upplýsingar um djúpborun

Borun þessarar holu við Kröflu er líklega eitt mest krefjandi borverkefni sem unnið er að í heiminum um þessar mundir og að verkefninu kemur mikill fjöldi innlendra og erlendra sérfræðinga en íslendingar gegna þó lykilatriði og annast sjálfa framkvæmdina.

Síðasta haust boraði Jötunn niður á um 800 metra dýpi en nú tekur borinn Týr við.  Týr, sem er nýjasti bor Jarðborana og öflugasta bortæki landsins mun sem fyrr segir bora niður á allta að 4500 metra dýpi. Á þessu svæði er óvenju stutt niður á kvikuhólf, eða um 3-5 km og mikil eldvirkni og búast má við að berghiti á 4.500 m dýpi geti verið 450 - 600°C sem gerir djúpborunarholuna í Kröflu að heitustu háhitavinnsluholu í heimi.

Reiknað er með að borunum ljúki í júnílok og að vökvasýni verði tekin í ágúst að því er mbl hefur eftir Bjarna Pálssyni verkfræðingi hjá Landsvirkjun. Það verður þó ekki í ljóst fyrr en eftir nokkurra ára rannsóknir hversu raunhæft er að framleiða orku með þessum hætti

Meira má lesa um verkefnið í eftirfarandi fréttatilkynningu:.

http://www.lvpower.is/umlvp/frettir/nr/93

Á meðfylgjandi krækju af vef Isor má sjá þrívíddarmyndband sem notað var til að sýna 6 mögulega borstaði og velja á milli.


http://www.isor.is/~gme/iddp-krafla/

Loks er hér mjög áhugaverð síða sem er nokkurs konar dagbók fyrir verkefnið. Þar voru nánast daglegar færslur í haust með myndum og fréttum af framvindu þegar boraðir voru fyrstu 800 metrarnir. Vonandi verður framhald þessu á nú þegar borun hefst á ný.

http://www.icdp-online.org/contenido/icdp/front_content.php?idart=1997


Borhausinn á Jötni dreginn upp eftir að hafa náð 796 metra dýpi.
Mynd af vefnum http://www.icdp-online.org/


Stjˇrnbor­

ForsÝ­a vefsins StŠkka letur Minnka letur Hamur fyrir sjˇnskerta og lesblinda Senda ■essa sÝ­u Prenta ■essa sÝ­u VeftrÚ Information in english

Myndir


StarfssvŠ­i