Beint ß lei­arkerfi vefsins
Atvinnu■rˇunarfÚlag Ůingeyinga

12.4.2021

Írnefnanefnd mŠlir me­ heitinu Flateyjarskagi

Skaginn milli Eyjafjarðar og Skjálfandaflóa býr yfir mikilli og lítt snortinni náttúru og merkilegri sögu. Þarna eru fjölmargar þekktar náttúruperlur eins og Fjörður, Flateyjardalur og Náttfaravíkur, en hverju sem það sætir hefur þessi tignarlegi skagi ekkert nafn og hefur það stundum vafist fyrir mönnum þegar þeir fjalla um þetta magnaða svæði.

Fyrir um tveimur árum fór Hjörleifur Guttormsson, fyrrverandi alþingismaður, þess á leit við örnefnanefnd að hún úrskurðaði um örnefnið Flateyjarskagi. Örnefnanefnd vísaði málinu til Landmælinga Íslands sem staðfestu að nafnið Flateyjarskagi hafi verið tekið inn í kortagrunn stofnunarinnar.

Í desember 2009 samþykkti sveitarstjórn Grýtubakkahrepps að fara fram á við örnefnanefnd að nafnið Flateyjarskagi yrði ekki staðfest fyrr en sameiginleg nefnd Grýtubakkahrepps og Þingeyjarsveitar hefið tekið afstöðu um nafngift skagans. Í nefndinni var ákveðið að efna til nafnasamkeppni meðal íbúa. Alls bárust nefndinni 36 tillögur og úr þeim valdi nefndin fjögur nöfn sem íbúm sveitarfélaganna gafst kostur á að kjósa um samhliða sveitarstjórnarkosningum í maí 2010. Úrslitin skyldu verða ráðgefandi fyrir komandi sveitarstjórnir sem tækju ákvörðun um áframhaldið.

Niðurstaða kosningarinnar var sú að ekki var einhugur milli íbúa þessara sveitarfélaga um nafngift á skagann. Í Grýtubakkahreppi hlaut nafnið Gjögraskagi lang flest atkvæði en Flateyjarskagi hlaut yfirgnæfandi fylgi íbúa í Þingeyjarsveit.

Í kjölfarið var ákveðið að leita álits örnefnanefndar áður en málið yrði til lykta leitt. Á fundi sveitarstjórnar Þingeyjarsveitar 5. apríl sl. var lagt fram bréf frá örnefnanefnd um málið þar sem fram kemur að nefndin mælir með heitinu Flateyjarskagi. Sveitarstjórn lýsir sig samþykka niðurstöðu örnefnanefndar.

Á fréttavefnum 641.is er haft eftir Guðnýju Sverrisdóttur, sveitarstjóra Grýtubakkahrepps, að ekki hafi verið formlega fjallað um tillögu örnefnanefndar í sveitarstjórn þar. Er jafnframt haft eftir henni að hún telji engar líkur á að íbúar í Grýtubakkahreppi samþykki þessa nafngift á þeim hluta skagans sem tilheyrir Grýtubakkahreppi.

Svo virðist því sem enn sjái ekki fyrir endann á þessu máli. Það gæti því farið svo að skaginn bæri tvö heiti, en til eru nokkur nærtæk dæmi um slíkt. Hverfjall (Hverfell) þvælist gjarnan fyrir þeim sem fjalla um náttúru Mývatnssveitar, og þekkt er saga um fjallið sem ber þrjú heiti eftir því hvaðan á það er horft, en það er einmitt staðsett á áðurnefndum, ónefndum skaga.


Stjˇrnbor­

ForsÝ­a vefsins StŠkka letur Minnka letur Hamur fyrir sjˇnskerta og lesblinda Senda ■essa sÝ­u Prenta ■essa sÝ­u VeftrÚ Information in english

Myndir


StarfssvŠ­i