Flýtitenglar

Fréttabréf SSNE fyrir mars komið út

Samtök sveitarfélaga og atvinnuþróunar á Norðurlandi eystra, SSNE gefa nú út sitt fyrsta fréttabréf. Stefnt er að því að gefa slíkt rafrænt fréttabréf út í lok hvers mánaðar þar sem við förum í stuttu máli yfir þau helstu mál og verkefni sem við fáumst við á hverjum tíma.

FRÉTTABRÉF SSNE – 1.TBL MARS 2020

Frestun aðalfundar SSNE

Í ljósi þeirrar stöðu sem uppi er í samfélaginu vegna CODVID-19 veirunnar hefur stjórn SSNE í samráði við fulltrúa allra aðildarsveitarfélaga ákveðið að fresta fyrirhuguðum aðalfundi sem átti að fara fram í lok apríl. Þess í stað verður boðað til aðalfundar í september.

SSNE óskar eftir því að sveitarstjórnir kynni þessa ákvörðun fyrir öllum hlutaðeigandi aðilum í hverju sveitarfélagi.

Úrgangsmál á Norðurlandi – Staða og framtíð

Miðvikudaginn 1. apríl 2020 kl 13-16.30 verður blásið til vefráðstefnu um úrgangsmál í breiðum skilningi. Á dagskránni eru fjölmörg áhugaverð erindi og er hún öllum opin. Er ráðstefnan lokahnykkurinn á störfum starfshóps Samtaka sveitarfélaga á Norðurlandi vestra og Samtaka sveitarfélaga og atvinnuþróunar á Norðurlandi eystra Meira →

Verkefni til viðspyrnu

23. mars sendi stjórn Samtaka sveitarfélaga og atvinnuþróunar á Norðurlandi eystra, SSNE, erindi til ráðherra ríkisstjórnarinnar varðandi leiðir til viðspyrnu í þeim aðstæðum sem nú eru uppi. Þar leggur stjórn til að stórauknu fjármagni verði veitt inn í Sóknaráætlun Norðurlands eystra til að mæta þeim áskorunum sem við blasa og tilgreina stór og mikilvæg verkefni sem þegar hafa verið útfærð og auðvelt er að hrinda í framkvæmd.
Hér má sjá bréf stjórnar SSNE.