Flýtitenglar

Íbúafundur á Raufarhöfn

Íbúafundur var haldinn 12. janúar sl. á Raufarhöfn í samvinnu við Heimskautsgerðið og hverfisráð. Guðný Hrund Karlsdóttir var með góða kynningu á Gerðinu og fór vel yfir upphafið, söguna og tenginguna við Gylfaginningu og Snorra- Eddu.  Gunnar Jóhannesson fór yfir næstu skref varðandi framkvæmdina og stöðu fjármögnunar. Ljóst er að Heimskautsgerðið er í dag mikill segull ferðamanna og er gestagangur nánast daglega allan ársins hring. Meira →

Starfsmenn AÞ utan skrifstofu 22-23. janúar

Starfsmenn atvinnuþróunarfélagsins sitja ráðstefnu í Hveragerði um stefnur ríkisins í landshlutum, og verða því ekki við á skrifstofunni á Húsavík dagana 22. – 23. janúar.

Christin Schröder ráðin forstöðumaður Húsavíkurstofu

Christin Irma Schröder hefur verið ráðin forstöðumaður Húsavíkurstofu. Christin er þrítug að aldri og hefur undanfarið ár starfað hjá PriceWaterhouse Coopers en var áður í starfi aðstoðarmanns framkvæmdastjóra hjá PCC Bakki Silicon. Hún er með MS próf í fjölþjóðasamskiptum en lauk þar áður BA prófi í evrópufræðum. Christin hóf störf 15. janúar og hefur vinnuaðstöðu hjá Atvinnuþróunarfélagi Þingeyinga að Garðarsbraut 5. – sjá nánar

Fundur um uppbyggingu flugvalla og efling innanlandsflugs

Skýrsla starfshóps á vegum samgöngu- og sveitarstjórnarráðuneytisins um uppbyggingu flugvallakerfisins og eflingu innanlandsflugs verður kynnt af Njáli Trausta Friðbertssyni, alþingismanni og formanni  starfshópsins. Tillögur hópsins lúta m.a. að niðurgreiðslu flugfargjalda samkvæmt hinni svokölluðu skosku leið og uppbyggingu flugvalla landsins.

Skýrsluna í heild sinni má nálgast með því að smella hér.

Fundurinn verður haldinn á Fosshótel Húsavík fimmtudaginn 10. janúar kl. 17:00

Allir velkomnir

Fundarstjóri er Reinhard Reynisson, framkvæmdastjóri Atvinnuþróunarfélags Þingeyinga.

Jólakveðja

Skrifstofa AÞ verður lokuð á milli jóla og nýárs en opnar á ný 2. janúar.